Kuliviki kuhlelo Woza Friday silomculi wengoma zokholo uPhilani Nleya osedume kakhulu ngomculo wakhe eSouth Africa lase Zimbabwe yena ucula eseBhilithane.
UPhilani ungene wacacada kwezomculo. "Ngizalelwe eBulawayo. Ukukhula nje lasesikolweni bengitholakala kulezondawo. UGrade 1 kusiya ku4 ngamenzela eGwanda ngasengisiya eMpopoma ngangena khona eGampu Primary School kusukela kuGrade 4 kusya kuGrade 7. ISecondary school ngayayiqala ePlumtree eDombodema uForm 1 loForm 2 ngasengingiya eFilabusi eWanezi Secondary School ngaqedela khona uForm 3 loForm 4."
Ulengoma yakhe entsha esikhathazile, elesihloko esithi ‘Psalm 23’ leyinye ethi ‘Sihamba lo Jesu’. UPhilani njengabanenngi waqalela ukuhlabela esecaweni.
"Kwezokucula ngaqala ngisasemncane ngicula esontweni lapha esikhonza khona labazali but professionally ngiqale last year ukwena ifirst gospel album yami ngisebenzisana lojaha okuthwa nguProsper kuPromax studios yena ebase kwelase South Africa e Randburg."
Umculi esilaye kuhlelo Woza Friday kuStudio 7, nxa usanda kusithola mlaleli, nguPhilani Nleya ocula ezokholo.
Abadala bathi indlela ibuzwa kwabaphambili wenake bakhona abakuncedisayo Philani?
"NguMadlela ngathi ngikhula ngangikwazi ukuthi ukwenza imusic ngiyakwanisa ngoba though ngisebenza loProsper yimi engenze yonke into so but wanginika nje amandla nga interviews akhe ukuthi ngikhone lami ukuthi ngenze lento ,hayi nguye umuntu owangisiza kakhulu."
Isikhathi silomona balaleli yekela umfana kaNleya aphose izwi lokucina engakahambi atsho ukuthi umculo wakhe lingawuthola nga.
"Ngicela ukubonga bonke abaseke bangilandela abangenileyo ku YouTube page yami ba subscriber ba liker. Abafuna I Album liyatholakala kuwonke amadigital platforms afana labo Spotify labo iTunes and and many more so ngiyabonga lonke eseke langilandela .Ngiyabonga.”