KuWoza Friday liviki uBenedict Nhlapho intathelizindaba yeStudio Seven uxoxa loMcasiseli Gwaza Gwaza ngohlelo lwakhe lokusungula indawo ezithengisa umculo wabaculi beZimbabwe abaseSouth Africa.
Sebesedlula amatshumi amahlanu abaculi beZimbabwe abacula bese South Africa. Leli nani libala kuphela labo asebesaziwa kanti kukhona njalo elinye inani elikhulu lalabo abaculi umuntu ocindezela iCD elilodwa kumbe amabili aphelele lapho.
Kodwa uhlupho olubhekane laba culi bonke laba zindawo ezisemthethweni zokuthengisela umculo wabo. Izitolo zomculo lapha kwele South Africa ziyathikaza ukwemukela umculo wabeZimbabwe njengoba inengi lawo uthandwa kuphela yizizalwane zeZimbabwe.
Isizalwane seZimbabwe UMcasiseli Gwaza Gwaza usesungule uhlelo lokuhlela indawo lapho aqoqa umculo wonke wabaculi beZimbabwe laba abese ewuthengisa.
Enye yalezi indawo aseyisungule iselokitshini leBerea eGoli. Kule indawo uthengisa umculo wabaculi abedlula amatshumi amahlanu kanti kuxubene ezokholo, iRhumba, imbube, uMskandi lezinye ezitshiyeneyo eziphuma kubaculi beZimbabwe abaseSouth Africa. Uthike lokhu sekwenze labo abebekhanda imiculo yabeZimbabwe laba ngasese baphelelwe ngumphako.
Kantike uthi umculo kaThemba yiwo othengwa okwedlula eminye kwezeRhumba. Uthi injongo yakhe yikuthi kungabi lomuntu oswela umculo wabeZimbabwe laba.
UGwazagwaza uthi makhulu amacebo alawo ngomculo weZimbabwe lo. Kwezokholo uthi Izwi leSiphelo lihamba phambili. Uthi ngomnyaka ozayo uzaqala ukusungula lezi indawo eZimbabwe. Aqatha amazwi uGwazagwaza awatshiyela abaculi kanye labalandeli babo.
Kantike ezaboMaskandi ezibalisa iTsholotsho Kings, Amabhukudwana loZinjaziyamluma, uthi ziyabusa njengoba ngumculo othandwa ngabeZimbabwe ubuye uthandeke njalo laseSouth Africa.