Umbiko wabebhanga lamazwe womhlaba iWorld Bank, oweAfrica’s Pulse owethulwe ngoLwesine, uveza ukuthi iZimbabwe ngelinye lamazwe akuzwekazi leAfrica alitshumi lanhlanu alomnotho okhangelelwe ukungathuthuki kangako lonyaka.
Ugwalo lolu luthi umnotho weZimbabwe ukhangelelwe ukuthuthuka ngesilinganiso sokubili ekhulwini - 2.2%.
IWorld Bank ithi lokhu kubangelwa yikukhuphuka kwentengo yempahla lokudla, imithelo eminengi kakhulu ehlawuliswa amabhizimusi kanye lokuswela amandla kwemali yelizwe.
Amanye amazwe akuzinga leZimbabwe agoqela iMauritius, DRC leGuinea.
Umbiko weWorld Bank uphikisana lemibiko yomphathintambo wezemali uSikhwicamfundo Mthuli Ncube othi umnotho weZimbabwe uzakhuphuka ngokuthathu lengxenye ekhulwini - 3.5%.
Ekhuluma ekwele South Africa, uNcube wazise ukuthi iZimbabwe iphakathi kwamazwe alomnotho okhula kakhulu kuzwekazi leAfrica.
Asenelisana ukuxhumana laye ukuthi sizwe icele lakhe ngombiko weWorld Bank njengoba ebengadobhi ucingo.
Olwela amalungelo abathengi ekhokhela inhlanganiso yeNational Consumer Rights Association, uMnu. Effie Dlela Ncube, utshele iStudio7 ukuthi ukukhuphuka kwentengo yokudla sekutshiye abanengi bengasenelisi ukuthenga ukudla.
Forum