Unkosazana Lucy Alexia Mncube oyisizalwane seZimbabwe esesihlalala kweleRepublic of Ireland, ulobe ugwalo aluphe isihloko esithi ‘For You With Love’.
Kulolugwalo ulandisa ngokuhlukunyezwa kwakhe emendweni njengomfelokazi, ukudubeka kwakhe ebaleka ekhaya waze wacina edabula amazwe esiyacela ukuphephela kweleRepublic of Ireland.
Ugwalo lukaNkosazana Alexia Mncube lwamukelwe ngabantu abanengi emcimbini wokulihlaziya owenzelwe eRepublic of Ireland ngempelasonto edlulileyo.
“Ngibhale ibhuku elithi For you with love. Kulibhuku engithanda ukuthi ngilidedikhethele my first born. Ngilabantwana abayi abayi 4 abafana so ibhuku leli ngalibhala ngo2016 lapublishwa ngo 2018”
Lugwalo uNkosazana Mncube athi luhlose ukuxwayisa umntanakhe.
“Kumele ngithole indlela yokuthi ngimkhuthaze so ukuthi akhumbule lapha avela khona njalo lokuthi kuqakathekile ukuthi azithobe lokuhlonipha lapho azabehlala khona. Kakhulu lokuthi laloba ubabawakhe watshona yena sesemncane akutsho ukuthi akala abanye abangamfundisa lokuthi engacabangi ukuthi abangamkhuza uma elahlekile”.
Lulotshwe ngobunono obukhulu njalo lumumethe Indaba ezibuhlungu lolugwalo.
“Abantu bathi ma belifunda leli bhuku bathi liyadabukisa, lizwisa ubuhlungu because ngaba ngumfelokazi ngisase mncane. Kodwa futhi ibhuku leli bephinde futhi bethi liletha ukukhanya, lethemba emuntwini wonke odlula entweni ezibuhlungu emhlabeni. So mina njengoba nga shonelwa ngisesemncane, Kusho ukuthi indoda yami yashona kuyikuthi ngisalelwe liviki eliyi one ukuthi ngikwanise eminyaka eyi 24. Kuyikuthi ngahlangana laye ngile 19 ngayenda ke ngile 22, so ingane yami ibile 2 years the time yena etshona”.
Kunengi abantu abangakufunda kugwalo lukaNkosazana Mncube.
“Ibhuku leli lifundisa ukuthi noma abantu bekuzwisa ubuhlu, noma abantu bekukhube, abantu bengazange bakuphathe kahle but okuqakatheke kakhulu yikuthi you forgive. You forgive, you forgive not for them but for yourself. So ibhuku leli ngalibhala because lami beku ngilethela ukuphola kwe nhlinziyo yami. Ngoba manje nxa ngicabanga ezinye izinto ezazi senzakala, kuthi ka ngehlise inyembezi and ziyayehla sometimes. Noma ngithi ngiyacabanga ukuthi lapho engivela khona but ngiphinde ngi jabule ukuthi uNkulunkulu mkhulu. Manje ke lapha ngizikhulisela abantwana bami but I know ukuthi the hand of God is upon me”
Unkosazana Lucy Alexia Mncube ngumfelokazi njalo yisizalwane seZimbabwe esihlala kwele Republic of Ireland. Ugwalo lwakhe ‘For you with love’ solutholakala kuAmazon lakwezinye indawo ezithengisa amabhuku.
