Izizalwane zeMelika ngoLwesine zikukhefu leThanksgiving.
Lolu lusuku lokuhlangana kwemuli labangane kudliwe ukudla okutshiyeneyo. Usuku lolu lwaqalisa ngesikhathi sokuthakazelela isivuno esihle.
Abantu bokuza kwele Melika ababelwisana lalabo ababathola kulel’ilizwe babecela abadabuka eMelika ukuthi bathi gwaqa emizini yabo badle ukudla okugoqela inyama yengalukhuni.
Lolu lusuku oluqakatheke okumangalisayo.
UMnu. Brian Nichols, omele ilizwe leMelika kwele Zimbabwe, uthi lolu lusuku olunanzwa ngabantu bonke.
Zinengi izizalwane zeZimbabwe ezihlala kwele Melika ezinanza usuku lolu. Omunye wabo nguNkosazana Sharon Thebe ohlala eDellaware othi laye udla ingalukhuni loba engayithakazeleli.
Abanye abantu bahambe emdaweni zokukholisa kube labanye abahlangane lomdeni kanye labangana ukwenzela ukunanza usuku lolu bezijabulela.