Uyaqhubeka Umhlangano Omkhulu wamaRepublicans

Umhlangano omkhulu webandla lamaRepublicans uqhubekele phambili ngoLwesibili lapho ibandla leli ebelikhangelelwe khona ukukhetha uMnu Donald Trump okusemthethweni ukuthi abe nguye olimelayo kukhetho lokudinga uMongameli weMelika ngoLwezi.

Abakhulume emhlanganweni lo ngoMvulo basole ozancintisana loMnu Trump emele ibandla lamaDemocrats uNkosikazi Hillary Clinton besithi ngumuntu ongathembekanga ongeke akhokhela ilizwe ngobuqotho.

Abantu laba bagoqela owake waba nguMayor weNew York uMnu Rudy Giuliani.

Izikhulumeli ezinengi zichaze uTrump njengomkhokheli oqotho ozakwenza eleMelika libe lilizwe eligeleza uluju lochago alubana ethe wakhethwa ukuba nguMongameli.

UmkaTrump uNkosikazi Melania Trump laye ukhulumile, kodwa ube yinhlekisa ngemva kokweba amazwi kaNkosikazi Michelle Obama awethula ngo2008 emhlanganweni wamaDemocrats.

Umkhokheli wenhlanganiso yeZimbabweans Based Abroad uMnu Dumaphi Mema utshele iStudio 7 ukuthi kavumelani lokunengi okukhulunywa nguMnu Trump, ngakho usekela uNkosikazi Clinton.

Embed share

Ingxoxo loMnu Dumaphi Mema

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:06 0:00

Lapho esitholakala khona

• 128 kbps | MP3
• 64 kbps | MP3

Ukudlala