Ibandla leZanu PF selixotshe uMnu. Blessed Geza lisithi wephula imthetho yebandla leli ngokwethula imbiko ethi uMongameli Emmerson Mnangagwa sokumele asuke embusweni.
Umbiko lo wethulwe nguMnu. Patrick Chinamasa, obona ngezemithetho kubandla leli.
UChinamasa uthe ugeza kazange alandele iziqondiso zemithetho yebandla leZanu PF ngakho-ke idale lePolitburo linqume ukuba axotshwe.
UGeza, owalwa impi yenkululeko njalo obekudale leZanu PF Central Committee, watshele abezindaba abeNewsDay ukuba uMnangagwa kumele asuke embusweni ngoba wehluleka ukubusa eleZimbabwe.
Okwamanje udingwa ngamapholisa athi kumele etheswe icala lokweyisa iwofisi kaMnangagwa.
UGeza ngomunye wabaphikisa ukuba uMnangagwa aqhubeke esembusweni ngomnyaka ka2028, okugqitshwa khona umbuso wakhe.
Abanye abaxotshwe kubandla leli loGeza ngoMnu. Benjamin Ganyiwa, uMnu. Gedion Gomwe loMnu. Godwin Gomwe.
Ukuhlaziya loludaba, sixoxe loMnu. Joseph Tshuma okubandla leZanu PF loMnu. Fortune Mlalazi olandela ezombusazwe ezimele othi akumangalisi ukuxotshwa kuka Geza.
Lokhu kuphikiswa nguTshuma othi uGeza kwakumele alandela iziqondiso zombuso webandla elibusayo engakakhulumi lentathelizindaba ngombuso kaMnangagwa.
Forum