Ihofisi yenhloko kahulumende uMnu Morgan Tsvangirai iyayilandula imbiko yokuthi uTsvangirai ufumbathisa abahleli bamaphephandaba azimele wodwa ukuthi babhale kuhle ngaye ngasikhathi sinye bengcolisa amalunga eZanu PF.
Umsakazo weZBC uthi abahleli laba ngababalisa awephephandaba leStandard, Daily News kanye leNews Day. Kodwa umhleli weDaily News, uMnu Stanley Gama uyilandule limbiko kungxoxo ayenze leStudio 7.
Iphephandaba leHerald, lona eliyamele kuhlangothi lweZanu PF, lalo lethule imbiko efanayo.
Kodwa isikhulumeli sikaTsvangirai, uMnu Luke Tamborinyoka laye uthe ingamanga limbiko. Amazwi akhe agcizelelwe yisikhulumeli seMDC uNkosazana Thabitha Khumalo.
