Inhloko kahulumende uMnu Morgan Tsvangirai ukhangelelwe ukukhulumisana labaphathintambo ababona ngokwenzakala elizweni kuyonale iviki ngodaba lokuthunjwa kwamapulazi abalimi abamhlophe okulokhu kuqhubeka.
UMnumzana Tsvangirai uzakwenza lokhu phansi kohlelo lwakhe lokukhulumisana labaphathintambo bakahulumende mayelana ngokusebenza kwengatsha zabo ikakhulu inhlelo zabo zalonyaka. Uqale uhlelo lolu ngoMvulo ekuqaleni kwakhe umsebenzi evela kukhefu.
UTsvangirai uzaphatha njalo indaba ezitshiyeneyo eziphathelane lentuthuko lokuvuselela ilizwe labaphathaintambo abatshiyeneyo, kubike umphathintambo osebenzela ewofisini yakhe uMnu Gorden Moyo kungxoxo ayenze loNtungamili Nkomo weStudio 7.
