Osemelele ukungena esikhundleni sikaMongameli weMelika ngoZibandlela uMnu Donald Trump uthi uzakwesula umthetho opha abantu abazalelwe eMelika ubuzwe balelilizwe, i-birthright citizenship, lanxa abazali babo bengayisizo zizalwane zeMelika.
Isisekelo sombuso walelilizwe yiso esiphoqa ukuthi wonke umuntu ozalelwe eMelika uba yisizalwane salo kungakhathalekile ukuthi abazali bakhe ngabangaphi lokuthi balamaphepha okuhlala yini kumbe abalawo.
Ekhuluma lomsakazo weNBC ngeSonto, uTrump uthe njalo uhlose ukududula bonke abangelamaphapha ababuyisele emazweni abo.
Abantu laba bayizigidi ezilitshumi lanye, 11 million.
Kodwa uthe uzimisele ukusebenza labebandla eliphikisayo elemaDemocrats ukuze badinge indlela zokutholisa amaphepha labo abalethwa eMelika besangabantwana abaphansi kohlelo lweDeferred Action for Childhood Arrivals.
Uthe njalo uzaxolela njalo akhulule bonke abasekeli bakhe ababotshwa bavalelwa ngemva kokubangela udlakela edale lePhalamende bezama ukuvimba ukuthi uMongameli Joe Biden angene embusweni.
Olandela ezombusazwe zeMelika uMnu Tim Muringai uthi lanxa uTrump elenhlelo ezinengi athi ufuna ukuzigcwalisisa ezinye zilakho ukungaphumeleli ngoba elakho ukuvinjwa ngezinye ingatsha zikahulumende.
Forum