Umthethwandaba weAppeals Court uthi owayengumongameli uMnu. Donald Trump kumele ahlawule izigidi ezilikhulu lamatshumi ayisikhombisa lanhlanu amadollar eMelika – US$175 million yesibambiso sokubhadalela icala lobuqili abenza ngesikhathi ethenga impahla etshiyeneyo owayeyikhuphula kumbe ayihlise isissindo ukwenzela ukuthola izikwelede emabhanga eyokuthuthukisa amabhizimusi ebambisana lomdeni wakhe.
UTrump bekumele ahlawule izigidi ezingamakhulu amane lamatshumi amahlanu lane – US$464 million ayigwetshwa ngumthethwandaba eNew York ngokutshona kwelanga namuhla.
UTrump utshele abezindaba ukuba ukubotshiswa kwakhe kwenziwa nguhulumende kaMongameli Joseph Biden ongamfuni ngitsho lakancane duzane lesigodlo sika mongameli iWhite House.
Ulamacala ambalwa okumele awaphathe kungakenziwa ukhetho amele khona ibandla lama Republicans.
Kusenjalo, uBiden uqhubekela phambili ekhankasela ukhetho oluzayo esithi uzavimba ngamandla ukuba kungalahlelwa khatshana ngama Republicans uhlelo lwezempilakahle olwasungulwa ngowayengumongameli uMnu. Barack Obama, oluzondisa ibandla lika Trump. Ukuze sizwe okunengi ngokwenzakala eMelika, sixoxe loMnu. Den Moyo, odabuka eZimbabwe ohlala eVirginia, uthi kunengi okuhlupha uTrump okulakho ukuphazamisa umkhankaso wakhe wokhetho.
Forum