Umhlangano omkhulu wamazwe omhlaba wonke owe-United Nations General Assembly usuqalisile eNew York eMelika.
Kukhangelelwe ukuba abakhokhela amazwe atshiyeneyo abafika phose ikhulu lamatshumi amathathu bazakhuluma njengenhlalayenza emhlanganweni lo.
UMongameli Joe Biden weMelika uzakwethula umbiko wakhe kusasa kanye leyinye inkokheli yamanye amazwe.
UMongameli Emmerson Mnangagwa obekhangelelwe ukuba uzakwethula umbiko wakhe ngoLwesithathu, kasoze angene umhlangano walonyaka. Intathelizindaba ye-studio 7 uTaboka nNcube usemhlanganweni lo eNew York uthi ezinye indaba ezizaxoxwa emhlanganweni lo zigoqela ukukhudumala komkhathi, impi phakathi kwele Israel leHamas, eleRussia leleUkraine lezinye ezifana lempi yomvukela kwele Sudan.
Siphinde saxoxa ngokwenzakala enew york loMnu. Gift Ostallos Siziba owayeyisikhulumeli sebandla leCCC othi usemhlanganweni oqoqwe zinhlanganiso ezitshiyeneyo omayelana lombuso kazulu.
Forum