Igqwetha elimele uMnu. Sengezo Tshabangu othi ungunobhala jikelele webandla leCitizens Coalition for Change uthi uzavimba bonke abaxotshisa kudale lephalamende ukuba bengangeni kukhetho lwama byelections oluzaqhutshwa mhlaka 3 Nhlolanja.
UMnu. Nqobani Sithole uthi ababengamalunga ebandla leCCC laba abagoqela uMnu. Ostallos Siziba, uMnu. Amos Chibaya labanye kuzamele bengene kukhetho lolu bezimele kumbe bekwelinye ibandla lezombusazwe hatshi eleCCC.
UTshabangu wavimba abaxotshisa kudale lephalamende ababefuna ukungena kukhetho lwama by-elections mhlaka 9 Mpalakazi.
Kasenelisanga ukukhuluma ngodaba lolu loSiziba labanye bakhe akade bengaphenduli umakhalekhukhwini.
Sixoxe njalo loMnu. Pashor Sibanda, owayemele iCowdray Park edale lephalamende waliswa ukungena kukhetho lwama byelections, kumele abafisa ukungena kukhetho lolu bephansi kwecele leCCC lika Mnu. Nelson Chamisa bebe ngabantu abazimeleyo.
Forum