Ummeli weMelika kwele Zimbabwe uNkosikazi Pamela Marie Tremont wethekelele isibhedlela seMpilo koBulawayo lapho abone imtshina emitsha eyathengwa lilizwe lakhe isebenza ngemfanelo. Imitshina le eyohlonzi oluphezulu ngeyokuhlola igciwane leHIV leminye imikhuhlane.
UNkosikazi Tremont ubonge kakhulu isibhedlela seMpilo ngokusebenzisa kuhle imtshina eyafakwa eHIV Lab esithi ukuhlola kwayo igazi sokuhlonitshwa ngumhlaba wonke.
"Siyaziqhenya ukuthi eleZimbabwe impumela yokuhlala igazi isikusibanga esiphezulu esivunyelwa njalo sihlonitshwa ngumhlaba wonke ese ISO 15189 verification njalo bahlola igazi ezingeni eliphezulu kubanta abahlala koBulawayo. Siyabonga ngabasebenza kulesisibhedlela lanxa behlangana lobunzima ekusebenzeni kwabo.
Umphathi wesibhedlela seMpilo, uDokotela Narcisius Dzvanga, uthe sokulesikhathi eleMelika lincedisa eleZimbabwe kwezempilakahle.
"Besikuhambo labo okwesikhathi eside kunhlelo ze HIV le Malaria ngezinye zezinto eleZimbabwe eliziqhenya ngalo lisebenza leMelika.
Ingcitshi ebona ngemitshina ehlola igciwane lemikhuhlane etshiyeneyo ebizwa ngokuthi yiLaboratory Systems Improvement Specialist, uNkosikazi Khanyisiwe Sibindi, ubonga okwenzelwe isibhedlela lesi ngele Melika.
"Isupport esiyiphiwe yi America number one yikuthi we have got state of the art equipment and basincedisile kakhulu as impilo HIV laboratory our lab is now accredited to iso 159 of 2022 lokho kutsho ukuthi enga singatester lapha our result is international accepted."
Omkhulu wesibhedlela seMpilo kuhlangothi lokuhlola igazi, uMnu. John Chitumbura, laye ujabule kakhulu ngemitshina le esisenza kube lula ukuhlola igazi.
“Imitshina leyi sayi donater lwa yi cdc in conjunction with ministry of health sesithatha amalanga angu 7 kuphela ukuthi ama results ake aphume ndaba imitshina yethu khathesi yenza ama tests 1225 laphana sasenza 250 khathesi sokwehlile ngenxa yokuthi imitshina yethu seyingeya phezulu.”
UNkosikazi Tremont uphinde wachothoze labo abenza udlame ngesikhathi kulungiselelwa ukhetho elizweni lakhe kulandela okwenziwe ngabantu ababili abazame ukubulala owayengumongameli uMnu. Donald Trump ozancintisana loNkosikazi Kamala Harris kukhetho oluzaqhutshwa ngoLwezi lonyaka.
"Ngike ngakhuluma loMongameli Mnangagwa ngesehlakalo sokuqala sokuzama ukubulala uTrump. Siyachothoza ukudlame kwezombusazwe loba kungaphi komhlaba eMelika kumbe eZimbabwe loba ngubani oncinthisayo kukhetho loMongameli Biden uyachothoza abazama ukubulala ophikisana laye yikho nje sefake imali kwabalondola inkokheli abesecret services
UNkosikazi Tremont uqalise uhambo lwakhe lokwethekelela isigaba seMatabeleland namuhla eMpilo Hospital lakwezinye indawo koBulawyo ebona inhlelo ezisekelwa lilizwe lakhe. Uphetha uhambo lwakhe ngoLwesihlanu eMatopo.
Forum