Udaba olukhwezwe edale le Senate nguNkosikazi Sithembile Mlotshwa olokuthi abantwana abasanda ukuzalwa bengasokwa kodwa bezikhethele sebekhulile solwamukelwe ngembono etshiyeneyo, abanye besithi lo ngumqondo omuhle kodwa abanye besithi abazali balelungelo lokukhetha abakubona kufanele abanwana babo.
UNkosikazi Mlotshwa usekelwe ngabanye bakhe abebandla leZANU PF lelakhe eleMDC. Uthi imali esetshenziswa ukusoka abantwana kufanele incedise kunhlelo zokulwisana lemvukuzane yesibeletho ngoba ingancedi lababantwana, bona abangayi emacansini, kukanti uhlelo lolu lujonge ukwehlisa inani labantu abathelelana igcikwane lengculaza.
Kodwa ingcwethi kwezempilakahle kanye lezamasiko ziyaluncoma lolusiko.
Ukuze sihlaziye loludaba, uSithandekile Mhlanga weStudio Seven uxoxe loMnu. David Mhabhinyana Ngwenya ingcwethi kwezamasiko ogcizelela ukuthi ukusoka abantwana kuqondile.
