UMuzi ogcina asebekhulile owe Entembeni Old People's Home ose Luveve koBulawayo, unikezwe izipho zeKhisimusi ezivele kumalunga edale lephalamende yeZimbabwe
Izipho lezi zigoqela isolar system, omabona kude TVs, imtshina yokuwatsha, ama grocery lokunye okunenginengi, zethulwe emkhosini obugoqela iziphathamandla zakoBulawayo lozulu jikelele embuthanweni obulitshaziswa ngabaculi leminye imicimbi.
Izipho lezi zithengwe yimali ebuthaniswe ngamalunga edale lephalamende emdlalweni wawo we Golf owenzelwa eHarare kunyanga ezimbalwa ezidlulileyo. Ajabule abamanzi amaxhegu lezalukazi Entembeni besamukela izipho lezi. Umsekeli kaMongameli we Senate njalo engumgcinisihlalo wama committee, umnumzana Michael Nyambuya nguye obengumhlonithswa kulumkhosi.
"As parliament of Zimbabwe we hold an Annual Golf Tournament where we raise funds for the people in need.Saka gore rhino takakwanisa ku-raiser mari inofura 1,1 million Zim-dollars ne-almost Two thousand US dollars, and we decided that we are going to come kwaBulawayo.Saka tonovimba kuti zvataita izvi zvichaita kuti hupenyu wevanhu watigere amoungst us uchange urinani."
Omunye obekulombuthano ngumphathintambo we dolobho lako Bulawayo Unkosikazi Judith Ncube. Yena ubonge kakhulu abaphathisileyo.
"Sukela kuma Senators, kuma Mp's, i-staff, izakhamizi, media houses, security, everybody we are so thankful. Nge gesture le-ephiwe eNtembeni, ukunanzelela abantu kuqakathekile kakhulu.Thina njengo Bulawayo sithanda ukubonga esikwenzelweyo, thank you so much."
Umeli weLuveve-Cowdray Park edale lePalamende uNkosikazi Stella Ndlovu ujabule kakhulu ngosizo olunikwe Entembeni yona esesiqintini sakhe.
"Okwakuqala ngihle ngithi ngiswele imilomo ezinkulungwane, ngoba i-Home le ihlala abantu abadala abangasakwanisi ukuzenzela.Abaphila ngokuthi thina esisesebatsha sibaphakele. Ngithanda ukuthi ngibonge kakhulu I-Parliament of Zimbabwe where l belong. Ukuthi lithi lihlale phansi liphumelele indaba, kuyabe kuphikiswana phela.Ukuthi "iyengaphi i-donation leyi ,iyengaphi i-donation leyi" but finally icine ibuye lapha ekhaya."
Umsekeli womqondisi weEntembeni uDeputy Matron Sakhile Chakauya ubengela nkani ngesipho esingaka
"Siyabonga kakhulu umsebenzi esiwenzelwe yi Parliament ye Zimbabwe.Konke abasithengele khona ama-washing machine lama TV,itshukela,ama sheets konke lokhu lama printer.Siyabonga kakhulu besingelakho all along sisebenza nzima ,kodwa ngenxa yokuthi basikhumbulile basenzela abasenzele khona hayi siyabonga kakhulu we are so grateful."
Ukhulu u Mark Fish Ncube ongomunye ogcinwe eEntembeni uveze ukujabula okwamagama.
"Sibonga umusa wenu lothando lwenu olukhulu kangaka ukuthi abantu bephalamende bangabuya bebona thina amaxhegu singathembi.Kukanti abazali bethu ababuyi ukuzosibona labafowethu ababuyi kungathi basikhalala.Sesinikezelwe kulaba omama, bathwele nzima ngabo khulu langabogogo. Kodwa ngibonga umusa wabo ngoba bayasi bekezelela kulobu ubunzima."
Umuzi WeNtembeni wakhiwa ngomnyaka ka 1967 usakhelwa abadala asebekhulile ukuthi bazogcinwa nxa bengelazihlobo njalo umuzi lo usizwa nguzulu ukuthi uqhubeke ugcina okhulu labo gogo. Okwamanje bangamatshumi amahlanu lane 54 abagugileyo abahlala kulumuzi.
