'Umuyi uLucy Yasini Wafundisa Umsebenzi Intathelizindaba Ezinengi'

Kulabantu abanengi abahambe emkhosini wokukhumbula umuyi uLucy Yasini, obeyintathelizindaba yomsakazo weStudio 7.

ULucy obelesifo semvukuzane wasebenza emsakaweni weZimbabwe Broadcasting Corporation kanye leSouth African Broadcasting Corporation engakaqhatshwa ngumsakazo weStudio 7.

Wayesebenzela iRadio 4 leminye imisakazo yeZBC.

Kukhangelelwe ukuba uzangcwatshwa ngoLwesihlanu eHarare.

Ukuze sizwe ngemisebenzi kaLucy, sixoxe lomsakazi olodumo uMnu. John Masuku othi wayengumuntu wabantu njalo wanceda intathelizindaba ezinengi ezisacathulayo.