Imbiko kaMongameli Robert Mugabe eyokuthi ilizwe leZimbabwe kanye lamazwe awezwekazi le Africa kumele aphume kumanyano wamazwe womhlaba owe United Nations, isicunule abanye.
UMugabe wethule lamazwi ngemva kokufika eHarare ngoMgqibelo evela kweleMelika emhlanganweni we United Nations General Assembly.
UMugabe uthi amazwe awezwekazi le Africa avumelana laye kodwa ayesaba ukukhuluma ngalokhu.
Uthi imbangela yokusuka kulumanyano ngeyokuthi lumanyano kawufuni kupha amazwe awezwekazi le Africa izihlalo ezimbili kugatsha lezomvikelo ele Security Council.
Ukuhlaziya loludaba sixoxe lonobhala obona ngokuqoqwa kwenhlelo zebandla leMDC-T, uMnu. Abednico Bhebhe, othi lokhu kuyamangalisa.
"Uyabona nxa ungumyanga ungelamali, usehluleka ukuthengela abantwana ukudla elizweni lakho kutshengisea ukuthi usulixhegu," kutsho uBhebhe.
