Ukuya kukhefu kukaMongameli Mugabe kuqhubeka kusemilonyeni yabanengi, ikakhulu abamabandla aphikisayo bemsola ngokusebenzisa imali kahulumende enengi ngesikhathi umnotho welizwe uqhubeka ubhidlika.
UMugabe ucatshangelwa ukuthi useSingapore lemuli yakhe kukhefu alithatha ekupheleni kwawo wonke umnyaka njalo ukhangelelwe ukuphenduka emsebenzini ekupheleni kwenyanga.
Abasola umbuso kaMugabe bathi imali kahulumende ayisebenzisayo kuleli khefu nga iyasetshenziswa ukubhadala izisebenzi zikahulumende kumbe ukulungisisa okunye empilweni kazulu, okugoqela ukudingela uzulu olambayo ukudla.
Kodwa abeZanu PF bathi lilungelo lakhe uMugabe ukuya kukhefu esebenzisa imali kahulumende.
Umsekeli wesikhulumeli seMDC-T uNkosazana Thabitha Khumalo uNkosazana Thabitha Khumalo utshele iStudio 7 ukuthi uMugabe udlalisa imali kahulumende.
Kodwa ilunga leZanu PF uMnu Joseph Tshuma ukulandule lokhu.
