WASHINGTON DC —
Owake wathandana lenhloko kahulumende uMnu Morgan Tsvangirai secele umthethwandaba ukuthi umise umtshado kaTsvangirai ngeviki ezayo loNkosikazi wakhe uElizabeth Macheka.
Emaphepheni awakhweze emthethwandaba weHigh Court ngoLwesihlanu, uNkosikazi Locardia Karimatsenga Tembo uthi umtshado lo kumele umiswe ngoba elokhu etshade loTsvangirai phansi komthetho wesintu, iCustomary Law.
Ngalokho, uth uTsvangirai engavunyelwa ukuthi atshade loMacheka phansi komthetho wesikhiwa, iMarriages Act, lokhu kuzabangela ukuthi umtshado wakhe loTsvangirai ungabe usananzwa.
Lokhu kuzatsho njalo ukuthi kasoze abe'sathola konke amele akuthole njengomkaTsvangirai okugoqela icansi.
UKarematsenga ukhweze njalo olunye udaba kuliviki emthethwandaba kamantshi esithi idale leli kumele libambe uTsvangirai ngamandla ukuthi ambadale imali engange nkulungwane ezilitshumi lanhlanu zamadollar-$15,000 ngenyanga azayisebenzisa ukuthenga ukudla, ukuhlawula imithelo lokunye.
Igqwetha lakhe uMnu Jonathan Samkange unikeze amaphepha odaba lomtshado kumagqwetha kaTsvangirai, kumfundisi omele aphathe lumtshado uBishop Levy Kadenge loRegistrar General umnu Tobaiwa Mudede.
Umahluli weHigh Court uJustice Guvava nguye ozaphatha loludaba ngoLwesibili njalo intathelizindaba azisoze zibvunyelwe ukubakhona.
Igqwetha likaTsvangirai uMnu Innocent Chagonda utshele iStudio 7 ukuthi ukhulume loTsvangirai wamxwayisa ukuthi aphikise isicelo sikaLocardia.
Ingcwethi kwezemithetho uMnu Job Sibanda uthi kaboni umthethwandaba uvumela isicelo sokumisa lumtshado.
Emaphepheni awakhweze emthethwandaba weHigh Court ngoLwesihlanu, uNkosikazi Locardia Karimatsenga Tembo uthi umtshado lo kumele umiswe ngoba elokhu etshade loTsvangirai phansi komthetho wesintu, iCustomary Law.
Ngalokho, uth uTsvangirai engavunyelwa ukuthi atshade loMacheka phansi komthetho wesikhiwa, iMarriages Act, lokhu kuzabangela ukuthi umtshado wakhe loTsvangirai ungabe usananzwa.
Lokhu kuzatsho njalo ukuthi kasoze abe'sathola konke amele akuthole njengomkaTsvangirai okugoqela icansi.
UKarematsenga ukhweze njalo olunye udaba kuliviki emthethwandaba kamantshi esithi idale leli kumele libambe uTsvangirai ngamandla ukuthi ambadale imali engange nkulungwane ezilitshumi lanhlanu zamadollar-$15,000 ngenyanga azayisebenzisa ukuthenga ukudla, ukuhlawula imithelo lokunye.
Igqwetha lakhe uMnu Jonathan Samkange unikeze amaphepha odaba lomtshado kumagqwetha kaTsvangirai, kumfundisi omele aphathe lumtshado uBishop Levy Kadenge loRegistrar General umnu Tobaiwa Mudede.
Umahluli weHigh Court uJustice Guvava nguye ozaphatha loludaba ngoLwesibili njalo intathelizindaba azisoze zibvunyelwe ukubakhona.
Igqwetha likaTsvangirai uMnu Innocent Chagonda utshele iStudio 7 ukuthi ukhulume loTsvangirai wamxwayisa ukuthi aphikise isicelo sikaLocardia.
Ingcwethi kwezemithetho uMnu Job Sibanda uthi kaboni umthethwandaba uvumela isicelo sokumisa lumtshado.
