Izikolo ezimbalwa eMashonaland West le Masvingo seziqalisile ukuthatha imphahla yabazali abehluleka ukubhadalela imfundo yabantwana ngenxa yokuswela imali.
Isithunywa somthethwandaba sibikwa sesibambe impahla yabazali abalabantwana eTafara, eZebra Downs le Mushowe primary schools eMashonaland West kanye labanye abase Masvingo ezathengiswa ukwenzela ukuthi kutholakale imali yokubhadala ama tuition le fees efunwa yizikolo lezi.
Impahla ethathelwe abazali ngenjenge nqola, amabhara, insimbi zokuthelela lokunye okutshiyeneyo okutholakala emaphandleni.
Isithunywa somthethwandaba sikhangelelwe ukuthi sibambe eyinye njalo impahla yabantu makhaza kunsukwana ezilandelayo.
Umahluli we dale le High Court uJustice Maphios Cheda wenza isinqumo sokuthi abazali kumele bathathelwe impahla ibe isithengiswa kulokuthi kuxotshwe abantwana abangabhadalelwanga imali yemfundo.
Kodwa-ke lokhu sokucaphule abazali abathi kabalamali yokubhadalela imfundo loba nje bengahlala phansi lezikolo kuvunyelwane ukuthi bangabhadala njani imali efunakalayo.
Omunye wabazali laba nguNkosikazi Christine Banda we Norton othi okwenziwa yizikolo kuyethusa.
Unkosazana Itai Dube we Nyika Growth Point eMasvingo uthi abazali abanengi bazasala bengela mpahla nxa bengathathelwa okulutshwana abalakho.
Umnu. Lizwe Jamela igqwetha elimele amalungelo oluntu lithi abazali kumele bakhulumisane lezikolo ukwenzela ukuthi impahla yabo ingathengiswa.
Umthethwandaba Uthatha Impahla Yabazali Abehluleka Ukubhadalela Imfundo Yabantwana
- Gibbs Dube
