Umthethwandaba we High Court usuphe amankampani amabili alungisa inhlanyelo imvumo yokubamba impahla yebhanga elikhulu lelizwe ele Reserve Bank of Zimbabwe.
Ibhanga leli lilesikhwelede sama nkampani la esingaba yizigidi ezinhlanu zamadola eMelika.
UMnu. Innocent Chagonda igqwetha elimele iSeedco International kanye loMnu. Thembinkosi Magwaliba omele inkampani ye Advance Seed South Africa bathi isithunywa somthethwandaba sesikhangelelwe ukuthi siqalise ukubamba impahla ye RBZ.
Lokhu kwenzakala ngesikhathi einye impahla ye RBZ ithengiswa emkambo yama auctions ukwenzela ukubhadala isikwelede se Farmtech Spares and Implements sezigidi ezimbili zamadola eMelika.
UMagwaliba utshele uGibbs Dube we Studio 7 ukuthi isithunywa somthethwandaba sizabamba yonke nje imfukumfuku ye RBZ ukwenzela ukubhadala isikwelede se Advance Seed South Africa.
