UMoreblessing Ali Uzangcwatshwa ngoMgqibelo Ngemva Kweminyaka Phose Emibili Ebulewe Lilunga leZanu PF

Umsekeli webandla leCCC owathunjwa wabulawa ngesihluku lilunga leZanu PF uNkosazana Moreblessling Ali uzangcwatshwa ngoMgqibelo ngemva kokuhlala kwesidumbu sakhe e-mortuary okweminyaka phose emibili.

Isikhulumeli somdeni wakhe, uWashington Ali, wazise ngoLwesibili ukuthi uMoreblessing uzabekwa emalibeni eZororo Cemetery, eHarare, emini ngo-12:30.

Kulandela ukuthunjwa lokubulawa kwakhe nguPius Jamba oweZanu PF mhlaka 24 ngoNkwenkwezi, 2022, imuli kaMoreblessing yafunga isithi ayisoze imbeke andubana igqwetha elalimela ngesikhathi esadingwa uMnu Job Sikhala aze akhululwe ejele.

USikhala wabotshwa wavalelwa eChikurubi Maximum Prison ngesikhathi sokubulawa kukaMoreblessing, esetheswa icala lokutshotshozela udlakela olwalandela ukugongodwa kukaAli eNyatsime.

Ngokunjalo, imuli kaMoreblessing ithi isimngcwaba ngoba uSikhala sowakhululwa. USikhala ukhululwe yinkantolo ngenyanga edluleyo ngemva kokuhlala ejele okweminyaka phose emibili, 1 year, 7 months.

UJamba yena wadliwa licala lokubulala uAli njalo wetheswa isigwebo sokupika okweminyaka engamatshumi amathathu, 30 years.

Lanxa abanye besithi ukuhlalisa isidumbu sikaMoreblessing Ali endlini yamakhaza okweminyaka phose emibili yonke kufana lokuhlukuluza umufi, elinye ilunga leCCC uMnu Swithern Chiroodza uthi akunjalo.

Embed share

Ingxoxo loMnu Swithern Chiroodza

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:05 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala