UMongameli Biden Uzakwethula Amazwi Akhe Okuvalelisa Abantu beMelika

UMongameli weMelika uMnu Joe Biden uzakwethula amazwi akhe okuvalelisa uzulu ngoLwesithathu phambilini kokusuka kwakhe embusweni esededela umholi omutsha uMnu Donald Trump, yena ozafungiswa ngoMvulo.

UBiden ungene esikhundleni lesi ngo-2021 ngemva kokunqoba uTrump.

Kodwa uTrump usephendukile ngemva kokunqoba owayengumsekeli kaBiden uNkosikazi Kamala Harris, yena owancintisa kukhetho lwanyakenye emele ibandla lamaDemocrats.

UMnu Biden ukhangelelwe ukukhuluma kabanzi ngendima ayidlale kwezombusazwe kusukela esalilunga ledale lePhalamende, eleSenate, kuze kube namuhla esenguMongameli.

Olandela ezombusazwe zaseMelika uMnu Den Moyo utshele iStudio 7 ukuthi embikweni wakhe, uBiden uzazincoma ngemisebenzi emihle ayenzayo efana lokulwisana lomkhuhlane weCovid-19 lokuzinzisa umnotho welizwe.

Kodwa uvumile ukuthi kukhona okusolekayo uBiden akwenzileyo embusweni wakhe.

Embed share

Ingxoxo loMnu Den Moyo

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:29 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala

Kusenjalo, amalunga edale leSenate ayaqhubeka ngokuvivinya abantu abakhethwe nguTrump ukuba ngabaphathintambo bakahulumende wakhe.

NgoLwesithathu, ebevivinya okhethwe ukuba ligqwetha elikhulu likahulumende uNkosikazi Pam Bondi.