Izakhamizi zakoBulawayo zithukuthele okwamagama zisithi seziphelelwe ukuthi zenzeni ngokudubuka kwezitishi lempompi ezithwala amanzi alengcekeza awe sewage, emalokitshini ezihlala kuwo.
Bathi ikhansili yalelidolobho kukhanya ingelandaba lokulungisa lezi mpompi, okwenza bahlalele evalweni besesabela ukuqhamuka kwemikhuhlane yesihudo esike sabulala abantu emnyakeni edlulileyo.
Amalokitshi phose wonke akoBulawayo amadala lamatsha izakhamazi zikhala ezimathonsi ngokunukelwa ngamanzi alengcekeza asuka ezambuzini ngenxa yokudubuka kwezititshi lempompi eziwathwalayo. Umhlali welokitshini leMagwegwe, uMnu Stephen Nkiwane wabakhala ngaloludubo.
"Sithwele nzima ngama-sewage adabuka nsuku zonke and i-city council ekhona kayenzi action ngitsho,singafa ngomkhuhlane wesihudo ama-typhoid.Ngoba everyday ngaze bethi bayalungisa bafika bephong'hlokoza kusasa kuvuke kututuluka futhi and amanye ama-stitshi asezindlini.Kuyabe kututula kugcwala ezindlini,imikhuhlane isihlasele ezindlini abantu ngoba i-city counsil ekhona eye-MDC kayithathi i-action.Ungabatshela bayakutshela ukuthi siyabuya sizolungisa but kuyahlala kunjalo,siyaqeda 3 months kungayenziwanga lutho uhlezi phezu kwe-doti kungela toilet yokungena abantu besiya egangeni."
Unkosazana Nomusa Tshuma laye uhlala eMagwegwe. Yenake uthi amanzi alengcekeza agcwele egumeni lakhe egeleza evuza ephuma esititshini esidabukileyo.
"Nxa kuvuza laphana sabuya sayabatshela, sahamba sayabiza abe-residents babuya bayakhuluma labo babuya bavula.Bevulile kwasala futhi bathe sebebuya bathi bona khona kunjani? Yi-private bayabuya sebebodwa, ngabanika 400 Rands bavula. Still hanty uyabona ubumanzi lobu, lapha baqeda ukuthanyela khatshesi bathele amanzi. Ubungeke uhambe lapha udle, but sesi sidla kunjalo because sesijayele ukudla lekaka.
Elokitshini leMagwegwe njalo sihlangane lomongameli webandla leEFF uMnu Innocent Ndibali ohlala kuleli lokitshi ngodubo lunye.
"Ukhansila kuthiwa ube-engaged some few weeks ago but kafuni lokuthi eke ezovakatsha, ezobona ukuthi udubo lwabantu lungaphi. Kulabantwana abancane, abantwana bayawela phezu kwezititshi ezidubukayo. Abantwana bayadlalisa incekeza ngezandla, abantwana bayafaka ingcekeza emlonyeni besidla. Idisease enjenge cholera kumbe i-typhoid any minute lapha kungaba le outbreak. Ubaba lapha uziklinele ngezandla zakhe, eklina engela any protection.”
Ilokitshi le Cowdray Park liselitsha kodwa izitishi zidabuka njalo nje. UNkosazana Sithokozile Moyo ngumhlali weCowdray Park.
"Vele kudabukile ama- pipe bathi amanzi adlula lapha kusema-24.Kuzokuba lokunye lapha eduze lapha ema-16 eCaravan lakho kudabukile ama-pipe.Amanzi akhona ahambela ngale komgwaqo omkhulu oyiwo ohamba ama-Bus,vele akulanto enhle.But abanye bathi bakhuluma laye u-Khansila bathi sebekhulume laye ubaba yena lowu okumele azolungisa kodwa kakabuyi."
Umsekeli kamgcinisihlalo weBulawayo Progressive Residents Association BUPRA inhlanganiso emela izakhamizi, unkosikazi Patricia Tshabalala uthi kubi koNtuthuziyathunqa.
"Ama-sewage kunzima kakhulu,ama-sewage angena ezindlini kunzima kuyanuka. Leminye imikhuhlane eliyibona nje ikhona iyenziwa yiwo amasuwa. Ngoba vele atutuma kokuphela, kunzima kakhulu ngama suwa siyesabela labantwana.Kuyanuka kuzimpukane yonk'ndawo nje uhamb'yakhafula, khona kungake kuthi kuna izulu kuhle kunuke kwedlulise amalawulo."
Umsekeli wesikhulumeli sekhansili yako Bulawayo uNkosazana Bongiwe Ngwenya uthi kunengi okubangela ukudubuka kwezitishi zengcekeza.
"Imbangela yalapha kuyi kuthi kuyikufa kwe-infastructure,vesingathi delabridated infrastructure.Kube lokudala kwama sewer pipes abantu besenza izinto ezitshiyeneyo. Ezifana lokuthelela izingadi. Kube yi-increasing population,sinanzelela ukuthi abantu asebe sebenzisa ama-systems ethu banengi kulalokhu okwakuyakhelwe khona.Okunye kube mis-use of i-sewer system."
Okugcizelelwe ngumsekeli kaMayor wakoBulawayo, uCouncillor Mlandu Ncube.
"Siyazi izakhamizi phakathi lapha zithwele nzima sibili ngama suwa kodwa hayi asihlalanga njengomansipaladi. Si-busy sibili ukusebenza, lingakhangela khathesi ungahamba i-suwa kade isihlupha eMpophoma. Mbona engani ensukwini ezimbili iyabe isirayiti ungakhangela amajaha ethu busy kakhulu duzane le-church yesabatheni. Ukuvula ama main hole ayiwo ablokhileyo njalo sikhuthaza izakhamizi ukuba sinanzelele singabulali izakhiwo lezi zesuwa nxa silima lapha phakathi komuzi."
Abantu abanengi bahamba bezivale amakhala beseqa bevikana lengcekeza ephuma kuzithitshi ezidubukileyo esezile sikhathe eside zinukela abantu zingalungiswa njalo besaba imikhuhlane efana leTyphoid leCholera eke yabula abantu kulelidolobho.
