UMnu. Witness Dube WeMDC-T Ukhululwa NgeBail

WASHINGTON —  Ilunga lebandla leMDC-T uMnu. Witness Dube ukhululwe ngemali yesibambiso se bail lamuhla ngumthethwandaba kamantshi koBulawayo ngaphambilini kokuthethwa kwecala aletheswayo elokweba omakhalekhukhwini, imali, kanye lemota kuMnu. Zacharia Nkomo umtshayeli kaMnu. Sengezo Tshabangu, umgcinisihlalo we Matabeleland North kucele lalelibandla elizibiza ngokuthi yiRenewal Team.

Elinye icala eletheswa uMnu. Dube ngelokuthumba lolutshaya uMnu. Nkomo, yena owayendawonye laboMnu. Lameck Ndlovu lo Sage Mguni kusenzakala lesisehlakalo ngeviki edluleyo emgwaqweni kaJoshua Mqabuko Nkomo koBulawayo.

Amanye amalunga e-MDC-T ayisithupha abikwa ayendawonye loMnu. Dube awakabotshwa.

UMnu. Tshabangu, osebesemthethwandaba utshele uSithandekile Mhlanga okunengi ngaloludaba, kanye lolunye abalukhweze emthethwandaba ophezulu olokuthi iMDC-T ibuyisele imota eyantshontshwayo.