Inhlanganiso ye Stakeholdrers Forum ebona ngamalungelo ezizalwane zeZimbabwe ezidinga incwadi zokuhlala ngokusemthethweni kwele South Africa ithi abaphathintambo ababona ngokwenzakala elizweni eZimbabwe balile ukuhlangana labo ngolweSibili kwele South Africa ukuthi bephendule imbuzo ephathelene laloludaba.
Lokhu kulandela umhlangano oqhutshwe phakathi kwabaphathintambo laba, uNkosikazi Theresa Makoni loMnu. Kembo Mohadi lomunye wabo we South Africa uNkosikazi Nkosazana Dlamini- Zuma.
Lanxa uMohadi lo Makone bethembise ukuthi ugatsha lwabo luzaloba amapassport afunekayo kungakedluli inyanga ka Ntulikazi, uMnu. Jabulani Mkhwananzi, isiphathamandla se Stakeholders Forum, njalo ekucele le MDC elikhokhelwa nguMnu. Welshman Ncube, utshele uSithandekile Mhlanga weStudio 7 ukuthi ababili laba abasoze begcwalise izithembiso zabo.