Umgcinisihlalo weCrisis in Zimbabwe Coalition uMnu Dewa Mavhinga utshiye umsebenzi ngoMvulo esithi ukudonselana lokulwisana okukulumanyano sokusenqabela ukuthi wenze umsebenzi wawo ngemfanelo.
UMavhinga wazise ngokutshiya kwakhe umsebenzi emhlanganweni wamalunga eCrisis in Zimbabwe oqhutshelwe eHarare.
Umsekeli wakhe uNkosazana Samukeliso Khumalo nguye osethethe isikhundla lesi njalo uzakhokhela lumanyano kuze kwenziwe umhlangano weAnnual General Meeting ngomnyaka ozayo.
UMavhinga uthe ngokutshiya umsebenzi, ulethemba abasalayo bazasebenzelana kakuhle balungisise konke okuhluphayo ukuze umanyano lo usebenze kakuhle njalo ulandele injongo yawo ngokugcweleyo.
Ukulwisana kulumanyano besokubangele ukuthi ezinye inhlanganiso ezingamalunga ziphume, zisethesa uMavhinga umlandu wokuba nguntando kayiphikiswa.
Sixhume lesikhulumeli seCrisis uMnu Mfundo Mlilo.
