Amalunga edale lephalamende amathathu awecele leMDC elikhokhelwa nguMnu. Arthur Mutambara sebehlamukele omela isigabe se Tsholotsho North edaleni lephalamende, uMnu. Jonathan Moyo emizameni yokuthi impumela yokukhethwa kukamlawuli wedale lephalamende.
NgoLwesibili umthethwandaba weHigh Court ulahle isicelo sika Moyo labathathu laba abathi oMnu. Moses Mzila Ndlovu, Siyabonga Malandu Ncube lo Patrick Moyo ababesithi uMnu. Lovemore Moyo wakhethwa okungekho emthethweni ngoba amalunga ebandla lakhe aveza amavoti abo. Izolo uMoyo ukhweze loludaba emthethwandaba weSupreme esithi kavumelani lesinqumo sikamahluli, uMnu. Bharat Patel.
Omunye wabathathu laba, uMnu. Malandu Ncube utshele uChris Gande weStudio 7 ukuthi bona sebelahle loludaba ngoba umoyo sewabuyela kubandla leZanu PF.
