Umkhokheli wabalwa impi yekululeko umkhokheli wabalwa impi yenkululeko, uMnu. Chris Mutsvangwa usemiswe ukuba lilunga lebandla lezanu pf okweminyaka emithathu.
UMutsvangwa umiswe lidale lePolitburo ngoLwesine kunye lonkosikazi wakhe uMonica lenkokheli yogatsha lwabasakhulayo eyisikhombisa eke yasola unkosikazi Grace Mugabe isithi nguye obangela ingxabangxoza ebandleni leZanu PF.
UMutsvangwa ukhanya exophane loMongameli Robert Mugabe ngemva kokwenza umhlangano wabalwa impi yenkululeko kumaviki amabili edluleyo ocine uchithwa ngamapholisa atshaya lokuphosela intuthu ehitshayo amateargas abathela ngamanzi agijimisana labo kwaba luthuli bonke abakade bekulumbuthano betshengisela insolo yokwenzakala ebandleni leZanu PF kokubanga izikhundla lokungasahlonitshwa kwabo njengabantu abazinikela impilo yabo ukulwela ukukhulula ilizwe, embusweni wabahuquluzi benotho labancindezeli.
