Ababengamalunga ephalamende abathathu abaxoshwe kubandla leMDC elikhokhelwa nguMnu Arthur Mutambara sebecele idale leHigh Court ukuthi libambe ngamandla uMongameli Mugabe ukuthi abize ukhetho lwama by-elections ezigabeni ababezimela ngokuphangisa.
Owayemela iNkayi South uMnu Abednico Bhebhe lowayemela iLupane East uMnu Njabuliso Mguni, beloMnu Norman Mpofu yena owayemela iBulilima East, bathi bafuna iZimbabwe Electoral Commission yenze lolu khetho kumalanga ambalwa azayo.
Umthetho uthi nxa ilunga ledale lephalamende lingasuka esikhundleni kumele ukhetho lokudinga omunye umeli waleso sigaba lwenziwe kungakedluli inyanga ezintathu.
Kodwa kudaba lwabo Bhebhe, sokwedlule umnyaka kungenziwanga ama by-elections. Ngalokhu, uMnu Bhebhe labanye bakhe bathi uhulumende wephuma umthetho. Okwamanje kulezigaba ezilitshumi lathoba minwemibili ezingelabameli edale lephalamende.
