Umphathintambo wezemali uMnu Tendai Biti wethule uhlelo lwe Mid-Term Fiscal Policy Review ngoMvulo lapho athe khona umnotho welizwe ulakho ukuthuthuka nge 5. 4% kulalokho okwakukhangelelwe ekuqaliseni komnyaka.
U Biti uthe akwenzakali ukuthi uhulumende enelise ukuthuthukisa inotho ngoku phezulu kwesikhombisa ekhulwini – 7,7%t okwakucatshangelwa kusethulwa ibudget ka 2010.
Wengeze wathi enye imbangela yikuswelakala koncedo oluvela emazweni, ukuqonga kwe inflation kanye lokungaqedakali kohlelo lwe indigenization.
Uphinde wathi lonyaka akusoze kube le Supplementary Budget njengoba uhulumende kumele asebenzise ibudget ye US$2.2 billion eyabekwayo loba nje kumele kubhadalwe ezinye izisebenzi ezisanda kungena kuhulumende.
UBiti uthe kumele uhulumende aqalise ukuthengisa amadayimana okukhangelwa yi Kimberely Certification Process. Uphinde njalo wathi kulamadayimana abiza izigidi ezingamatshumi amathathu amadola eMelika – US$30 million enjiwa eMarange angaziwa ukuthi ayangaphi.
UMnu. Thandeko Zinti Mnkandla omele iGwanda North kudale lephalamende uthi kuyathokozisa ukuthu uBiti uthe sokumele kuqaliswe uhlelo lokunika abantu ukudla ngapha besebenza.
