UMnangagwa Wephula Amalungelo Oluntu Ngendlela Ethusayo, Kutsho eleMelika leAmnesty International

Uhulumende weMelika kanye lenhlanganiso ekhankasela ukulondolozwa kwamalungelo eyeAmnesty International bathi uhulumende weZimbabwe uqhubeke esephula amalungelo oluntu nyakenye njalo ehlukuluza amalunga ebandla eliphikisayo eleCCC, ikakhulu ngesikhathi sokhetho.

Kugwalo olucubungula isimo samalungelo emhlabeni jikelele eliwethule ngoLwesibili, ugatsha olubona ngobudlelwano beMelika lamanye amazwe olweU.S. State Department luthe abanye babulawa mahlayana nje, abafana lomsekeli weCCC uMnu Tapfumaneyi Masaya, owagongodwa ngabantu abacatshangelwa ukuthi ngabacuphi kumbe abasekeli beZanu PF ngesikhathi sokhetho lwama-by-elections.

Akekho osebotshiwe phezu kwalesi sehlakalo.

Inhlanganiso yeAmnesty International layo yethule owayo umbiko ichothoza uhulumende weZanu PF isithi wephule amalungelo kazulu ngendlela esabisayo nyakenye.

Uthi okudanisayo kakhulu yikuthi abahlukuluza uzulu bemele uhulumende ababotshwa.

Ilunga leCCC uMnu Swithern Chiroodza utshele iStudio 7 ukuthi uvumelana lokukhulunywa yiMelika leAmnesty International, kodwa ilunga leZanu PF uMnu Malaki Nkomo uyakuphikisa lokhu.

Embed share

Ingxoxo loMnu Swithern Chiroodza loMnu Malaki Nkomo

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:08:22 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala