Igqwetha elikhulu leZimbabwe uAttorney General Virginia Mabhiza uthi uMongameli Emmerson Mnangagwa uzasungula uhlelo lokuphenya umbhuqazwe weGukurahundi kusasa eState House koBulawayo.
UNkosikazi Mabhiza uthi kukhangelelwe ukuba induna zonke zeMatabeleland zizangena umhlangano lo ohlose ukwethula iziqondiso zokukhulumisana lozulu ngombhuqazwe lo, okwabulawa abantu abazinkulungwane ezingamatshumi amabili – 20,000 ezabelweni lezi lase Nkabazwe ilizwe lisanda kuthola uzibuse.
Kwabulawa amalunga eZapu okwakuthiwa asekela abahlamuki. Inkokheli yeZapu yakuphika ukuba isekela amahlamuki ababedlula kancane ikhulu - 108.
Abantu abanengi bayalusola uhlelo lolu besithi kumele uMnangagwa ahlolisiswe ngakwenza ngesikhathi sombhuqazwe lo. Uyakuphika ukuthi wayesekela iGukurahundi.
Ezinye induna okwamanje ziyalusola uhlelo lolu zisithi akulamali eyaziwayo eyohlelo lolu njalo bafuna ababulali bethoniswe. Sixoxe ngodaba lolu lenduna uMathema.
Forum