Abezindaba abeReuters babika ukuba umkhosi wokugcotshwa kuka Mnu. Donald trump ngoMvulo kuzakwenzelwa phakathi kwedale leCongress hatshi phandle njengenhlalayenza ngenxa yomqando.
UTrump usanda kuloba enkundleni yakhe eyeTruth Social ukuba umkhosi lo uzaqhutshelwa phakathi kweCapital Hill. Kwake kwanziwa okufanayo kugcotshwa umuyi uRonald Reagan ngomnyaka ka1985.
Abakhangelane lezomkhathi bathi phandle kweCapiyal Hill lezinye indawo eWashington DC ngoMvulo kuyabekubandla okuphakathi kweminus 5 kusiya ku-minus 11 degrees Celsius.
UTrump wethule umbiko esithi, "Ngilomlandu wokuvikela abantu bonke beMelika kungakenziwa umsebenzi omkhulu esibhekane lawo njalo lokugcotshwa. Ababona ngezomkhathi eWashington DC okuzakuba lomoya oqanda kakhulu kulakho ukuthi kuqande okokuthi kungalimaza abantu. Kulalokhu esithi yiArtic blast eselizweni leli. Angifisi ukubona abantu belimala kumbe kusenzakala okubi kibo.”
Umkhosi wokugcotshwa kuka Trump uzakwenzelwa eUnited States Capitol Rotunda njengokwenziwa kugcotshwa uReagan.
Kuzathakazelelwa ukuhcotshwa kuka Trump eCapital One Arena okulakho ukungena abantu abazinkulungwane ezingamatshumi amabili – 20,000. EWashington Mall ebambane leCapital Hill lapho obekumele kuqhutshelwe khona umkhosi lo, bekukhangelelwe abantu abafika inkulungwane ezingamakhulu amabili lamatshumi amahlanu – 250,000.
Forum