Abaphila leAlbinism labadala, bamukele ngenjabulo amafutha lamangilazi okubala abaphiwe kungela nhlawulo bethi akulula ukuthi bathole imali yokuthi bayehlolwa ezibhedlela njalo okwamanje odokotela lokhe bekhalala imisebenzi.
Umnunzana Albert Mnkandla owenhlanganiso eyeLions International uchasisa ngohlelo lwabo lolu.
“Silapha eLuveve sincedisa abantu, icommunity ngokubanika amangilazi okubalisa lama lotions abantu abale albinism sincedisa abadala between 35 and 65 years ngama reading glasses for free.”
Umsekeli kamphathintambo wezamafekithali lokuthengiselana elilunga ledale lephalamende emmela izansi yakoBulawayo, umnumzana Raj Modi laye ube khona kulumkhosi.
“Lokhu sikwenza njalo nje ukuncedisa impilakahle kazulu. Lamuhla sipha abantu amangilazi okubala, ayi $3000 RTGS ezitolo ezisedolobheni. Kodwa ke lapha sipha mahala ngemva kokuhlola amehlo njalo lempumela itshengisa ukuba uyawadinga. Lokhu kuhle kakhulu ngoba nxa umuntu ezihambele kudokotela angabhadala $5000 RTGS, kodwa ke lapha konke kwenziwa mahala.”
Unkosikazi Sharon Gumbi omunye wabaphila le Albinism ekhokhela inhlanganiso yePrincess Safety Centre uchaza inhlupho abahlangana lazo.
“Silama challenges amanengi kakhulu iskin cancerebangelwa yikuswelakala kwe skin njalo lempahla ezinde eziyabe zisivikela elangeni .Iskin lotion singayiswela siyakhathazeka kakhulu ngesizatho selanga and iyadula kakhulu ayithengeki imbodlela eyodwa engenza umuntu aqede inyanga ungayithola nge300 to500RTGS .Silama challenges njalo awamehlo kakhulu umuntu wonke ophila laloluhlupho lwe albinism uleproblem yamehlo sosiyafisa ukuthi ngabe mahlabezulu liyasincedisa sithole ama sun glasses lama sun screen”
Omunye wabasakhulayo ophila leAlbinism umnumzana Ben Dube uthi lanxa namhlanje bethole amafutha la kungela mbadalo bona abakucelayo yikuthi intengo yawo lapho bezethingela yehlizwe ngoba iqonge kakhulu eZimbabwe.
“Sizile lapha eBeithall lapha ade kulohlelo lokuphiwa amaglass, sibonge kakhulu ngoba sikutholile esikuzeleyo basiphile lamaglass siwatholile. Amalotion esiwagcobayo akhona sibili but iprize iyadula kakhulu kubo $300 bond ade igabha lakhona lincane futhi so siyayenza okokuphathisa egoli ngoba egoli kutshiphile.’’
Umnumzana Albert Khumalo oyisakhamuzi sakoBulawayo uthi yena uyabonga ukuba uthole usizo namhlanje.
“Lamuhla ngikhululekile emoyeni ngoba bengilohlupho lokubala so ngicedeke kakhulu. Into engithokozisayo kakhulu yikuthi uhlelo lolu yi free, yimahala kanye lama glasses besengivele ngile problem yamehlo sengizama kumadokotela ngehuleka ukuwathenga. Lapha ngithokozile ngithole mahala.”
Loluhlelo lokuhlola amehlo kungela mbadalo lwelanga elilodwa, lwenzelwe eLuveve Beithall koBulawayo, luqoqwe ngabenhlanganiso yeBulawayo Centenary Lions Club, bemanyene labeLions International, umsekeli kamphathintambo wezamaindustry lokuthengiselana, uMnu. Modi, abenkampani yeFirst Mutual lezinye inhlanganiso. Lukhanya luphumelele okwamagama ngoba abantu baze ngobunengi kwenelisa ukuhlolwa abangamakhulu amane lengxenye (458), phakathi kwalabo abangaphezu kwekhulu (127) kumele bayehlinzwa amehlo, kuthi phose abangamatshumi amabili (18) banikezwe amangilazi okuvikela ilanga, kuthi phose abalikhulu (92) banikezwa amangilazi okubala.
