Umhlangano omkhulu webandla leZapu owamalanga amathuthu uqalisile ngolweSihlanu koBulawayo lapho abantu phose inkulungwane ezimbili bebethe gwaqa ukuze bazwe elakusasa lalelibandla. Umhlangano weCongress lo uqalise abantu betshaywa luvalo becabanga ukuthi uzaphanjaniswa ngolunye uhlangothi lwaleli bandla olukhokhelwa nguMnu Agrippa Madlela.
Bekuqhatswe abantu abalinda lindawo abakade bephosa ilihlo kuyo yonke indawo ukuze kungabi lomsindo. Owakhethwa ukuba abe ebambe intambo zokukhokhela iZapu uMnumzana Dumiso Dabengwa uthe ibandla lakhe selizathatha isikhundla salo esokusebenzela usapo lweZimbabwe ngoba iZanu PF lamacele eMDC ehlulekile ukubusa ilizwe.
