Inkulungane zezifundi zingene imihlangano yamakolitshi angaphandle kwelizwe ngenjongo yokuthola indawo yokuqubeka ngemfundo yaphezulu ngesikhathi amakolitshi anje ebukisa imisebenzi yawo kwele Zimbabwe embukisweni wezemfundo owe Education Expo. I
Inkulungwane zabasakhulayo zingene umbukiso wezemfundo owe International Education Expo eyenzelwe e Harare NgoMvulo ehlanganise ama kolitshi lama University edlula alitshumi avela kundawana ezitshiyeneyo zomhlaba okugoqela I Europe, Canada, South Africa le Australia phakathi kwamanye.
Umnumzana Lebo Mzwimbi omela ikolitshi le Monash University yakwele South Africa uthi lokhu kutholisa izifundi zakuleli ithuba lokuzwisisa ngamathuba atholakala kuma kolitshi afana lelakhe elikhanya lithakazelelwa yizifundi zeZimbabwe.
Umnumzana Trust Nhubu oquba izifundo zaphezulu e University ye Zimbabwe uthi Lokhu kukhanya kuyikudinga ama thuba ancono yizizalwane ze Zimbabwe.
UMzwimbi uthi izifundi ezinengi ezivela e Zimbabwe ezafunda ekolitshini lakhe zaphutsha, zenelise ukuthola izikhundla zaphezulu emisebenzini yazo njalo zikhanya ziqhuba kakuhle.
Kulandela impumela yemihloliso ye’A’ level kuleli izifundi ziyaphithizela zidinga indawo zokuqubela izifundo zazo zaphezulu njalo kulokuqonga kwenani lemihlangano yama University emazweni akhuthaza izifundi ukuba ziyofunda kiwo okugoqela woma ubukiso owe Education Expo.
Imbukiso yemfundo yaphezulu yamakolitshi akwele Melika yenziwa minyaka yonke yihofisi yommeli we Melika eZimbabwe kunye lama showa amakolitshi avela emazweni angempumalanga agoqela I Russia, China lamanye.
UNhubu uthi noma kuyinto edulayo ukuyafunda phandle kwelizwe abanengi sebebona lilithuba elingabatholisa imisebenzi kancono emazweni lawo Kanye lokuzothuthukisa ilizwe lapho sebephindela ekhaya.
Umnumzana Mzwimbi uthi imbuzo emnengi abayitholayo kulabo abadinga indawo ngemayelana losizo lwe mali lwama scholarships ethi ikolitshi lakhe liyaphathisa lalo kuloludaba linikeza usizo lwemali ikakhulu izifundi eziyabe ziphumelele kakuhle ethi ngoba kusiba nzima ukuba bencitshe uncedo olunje kuzifundi ezila ma points alitshumi kumbe ukwedlula leziyabe ziphume labo A kuphela kuzifundo zazo.
Omunye wabaqoqe lumhlangano uNkosikazi Judith Ward uthi I showa yakhe izadlulela kwamanye amadolobho agoqela iGweru lako Bulawayo zimhlaka 31 wayonale inyanga. Uthi baphathisa izifundi ngokubahlanganisa lamakolitshi anje kunye lokudinga ama visa, indawo zokuhlala, lokubaxwayisa ngendaba yokukhetha izifundo kakuhle bekhangelane lemisebenzi abazafuna ukuyenza.