UMnu. Marco Rubio, umphathintambo wohlangothi lukahulumende olubona ngokudlelana lamanye amazwe, uqhuba umhlangano namuhla kweleSaudi Arabia leziphathamandla zakweleUkraine ngokumisa impi ephakathi kweleUkraine leleRussia.
EleUkraine ngoLwesibili lihlasele eleRussia ngendizamtshina ezithwala amabhomba- amadrones – ezingamakhulu amathathu ezabelweni ezilitshumi.
EleRussia lithi kufe abantu abathathu kusehlakalo lesi kwalimala abafika phose amatshumi amathathu. EleMelika lifisa ukuba eleUkraine lisayine isivumelwano sokwemba amatshe aligugu kulelolizwe.
Lokhu kwenzelwa ukuba kuhlawulelwe izikhali ezanikwa lelolizwa ngeleMelika.
URubio ukhangelelwe ukuba uzalalela okufiswa ngeleRussia engakayibikela uMongameli Donald Trump ngempumela yomhlangano lo.
Forum