Inhlanganiso yeZimbabwe Football Association (ZIFA) sikhethe uNorman Mapeza ukuba aqeqetshe iqembu elimela ilizwe emdlalweni wenguqu eleZimbabwe Warriors.
Umqondisi weZIFA uMnu Cuthbert Dube uthi bathethe isinqumo lesi ngoLwesithathu ngemva kokuba behluleke ukuvumelana lowake wakhokhela leli qembu uCharles Mhlawuri ukuba athathe intambo njalo.
UMadinda Ndlovu nguye obesaphethe intambo (caretaker coach) njalo abanengi bathi ungumqeqetshi olohlonzi ukwedlula uMapeza. Ngalokho, bathi ubemele eqhubeke eqeqetsha leliqembu.
Ocubungula ezenguqu uMnu Omega Sibanda utshele iStudio 7 ukuthi iZIFA yenze iphutha elikhulukazi ngesinqumo sayo.
Kunjalonje, imidlalo yeICC World Cup iqhubekele phambili ngoLwesine lapho iSouth Africa enqobe khona iNetherlands nge231 runs. Lokhu kutshiye amaProteas sekhokhela kuGroup B, elemiklomelo emine (4 points).
ElePakistan lona linqobe eleCanada ngamaruns edlula angamatshumi amane-46 runs. NgoLwesihlanu kuGroup A iqembu leZimbabwe, lona elinqobe iCanada kunsukwana ezedluleyo, lizangqikilana leNew Zealand kuthi iBangladesh idibane leWest Indies kuGroup B.
