WASHINGTON DC —
Umpathintambo wentuthuko yezabelo uMnu. Ignatious Chombo ngoLwesihlanu ugcizelele ukuthi ugatsha lwakhe luqhubekela phambili ngokucitshela abantu izikwelede zemithelo yamanzi njengokwethembisa kwakhe kumaviki ambalwa edluleyo.
Ngakwelinye icele, uNkosikazi Joyce Mujuru, umsekeli kamongameli uthi uhulumende uphakathi kwemizamo yokukhuthaza iZimbabwe Electricity Supply Authority (ZESA) ukuthi yesule lezikwelede zikagetsi.
Umnu. Patrick Thaba Moyo okade engu mayor wedolobho lakoBulawayo uthi uhlafune udaba lolu lo Chombo ngoLwesine lapho uChombo amtshele khona ukuthi kumele isinqumo sakhe silandelwe ngokutshetsha.
Osanda kukhethwa ukubangukhansila okwesibili edolobheni le Harare uMnu. Peter Moyo uthi ibandla le Zanu PF lifuna isikwelede lezi ziyesulwe ukwenzela ukuthi iziphathamandla zebandla leli zingabhadali imali enengi okumangalisayo.
UMnu. Ambrose Sibindi, isiphathamandla senhlanganiso elwela amalungelo ezisebenzi eye Bulawayo Progressive Residents Association utshele uSithandekile Mhlanga weStudio 7 ukuthi kufanele uhulumende alungisise umnotho welizwe kulokuthokozisa abantu okwesikhathi esifitshane.
Ngakwelinye icele, uNkosikazi Joyce Mujuru, umsekeli kamongameli uthi uhulumende uphakathi kwemizamo yokukhuthaza iZimbabwe Electricity Supply Authority (ZESA) ukuthi yesule lezikwelede zikagetsi.
Umnu. Patrick Thaba Moyo okade engu mayor wedolobho lakoBulawayo uthi uhlafune udaba lolu lo Chombo ngoLwesine lapho uChombo amtshele khona ukuthi kumele isinqumo sakhe silandelwe ngokutshetsha.
Osanda kukhethwa ukubangukhansila okwesibili edolobheni le Harare uMnu. Peter Moyo uthi ibandla le Zanu PF lifuna isikwelede lezi ziyesulwe ukwenzela ukuthi iziphathamandla zebandla leli zingabhadali imali enengi okumangalisayo.
UMnu. Ambrose Sibindi, isiphathamandla senhlanganiso elwela amalungelo ezisebenzi eye Bulawayo Progressive Residents Association utshele uSithandekile Mhlanga weStudio 7 ukuthi kufanele uhulumende alungisise umnotho welizwe kulokuthokozisa abantu okwesikhathi esifitshane.
