Uhulumende usevumile ukuthi uhlelo lokwabiwa kwesikhwama sakhe sokuphathisa abasakhulayo, ese Youth Development Fund aluqhutshwanga ngemfanelo njalo inengi labatsha alifinyelelanga limali ukuthi lithuthukise inhlelo kumbe lisungule amabhizimusi.
Umphathintambo obona ngezokuthuthukiswa kwenhlelo zabatsha uMnu. Francis Nhema ubikwa esithi phakathi kwezigidi zamadola alitshumi, uhulumede wabe izigidi ezinhlanu-$5 million kuphela. Uthi abatsha sokuzafanela ukuthi balethe ubufakazi obeneleyo bokuthi kulobuciko obuthile abalabo obutshengisa ukuthi imali le bazayisebenzisa njani.
Kusenjalo, isiphathamandla senhlanganiso ebona ngokuthuthukiswa kwabatsha eye Platform for Youth Development, uNkosazana Sally Nobuhle Mlambo utshele uSithandekile Mhlanga owe Studio Seven ukuthi okunengi osokudingakala ukuthi abatsha babe lakho ukuze bethole limali kuzabangela ukuthi kubenzima ngamandla ukufinyelela lesisikhwama.
