WASHINGTON —
Umthethwandaba waphezulu koBulawayo ngoLwesibili udlulisele phambili ukuthethwa kwecala eletheswa ilunga lebandla leMthwakazi Liberation Front, uMnu. Charles Thomas Gumbo elokuzama ukugenqula umbuso kamongameli Robert Mugabe.
Eminye imbiko ithi omunye wakhe owetheswa icala elifanayo uMnu. Paul Siwela wabalekela kwele Sweden. Omunye njalo ababebotshwe laye uMnu. John Gazi ufunyanwe engelacala kunyanga edluleyo wakhululwa.
Abathathu laba babotshwa ngomnyaka ka 2011 besabela abantu amaphetshena abikwa ayemumethe imbiko ekhuthaza udlakela. Bayalilandula lelicala.
Igqwetha elibamelayo uMnu. Robert Ndlovu utshele iStudio 7 ukuthi umahluli uMnu. Nicholas Ndou uthe kunengi okumele akufeze ngakho uzabazisa ukuthi icala eletheswa uGumbo lizathethwa nini.
UNdlovu wengeze wathi udaba lukaSiwela lusezandleni zamapholisa okuyiwo akhangelele ukumbopha engambona, njalo abangeke bafakaze ukuthi use Sweden na kumbe hatshi ngoba bengakwazi lokhu.
USiwela utshele eminye imisakazo ukuthi uzaqhubeka ngemizamo yokuthi isizwe sikaMthwakazi esachithwa ngamangisi ngomnyaka ka 1893 samanyaniswa lesesisaziwa ngokuthi yiZimbabwe lamuhla sizibuse. Uthi isizatho yikuthi uhulumende uyabandlulula abantu ngemihlobo.
Ukuhlaziya umzabalazo wenhlanganiso ye Mthwakazi Liberation Front lezinye ezilenjongo efanayo, sixoxe loMnu. Dumisani Nkomo, ingcwethi ecubungula ezombusazwe.
UNkomo utshele uSithandekile Mhlanga weStudio 7 ukuthi inhlanganiso lezi zilelungelo lokuqhubeka ngomzabalazo lo njengalokhu okulotshwe ku United Nations Charter.
Eminye imbiko ithi omunye wakhe owetheswa icala elifanayo uMnu. Paul Siwela wabalekela kwele Sweden. Omunye njalo ababebotshwe laye uMnu. John Gazi ufunyanwe engelacala kunyanga edluleyo wakhululwa.
Abathathu laba babotshwa ngomnyaka ka 2011 besabela abantu amaphetshena abikwa ayemumethe imbiko ekhuthaza udlakela. Bayalilandula lelicala.
Igqwetha elibamelayo uMnu. Robert Ndlovu utshele iStudio 7 ukuthi umahluli uMnu. Nicholas Ndou uthe kunengi okumele akufeze ngakho uzabazisa ukuthi icala eletheswa uGumbo lizathethwa nini.
UNdlovu wengeze wathi udaba lukaSiwela lusezandleni zamapholisa okuyiwo akhangelele ukumbopha engambona, njalo abangeke bafakaze ukuthi use Sweden na kumbe hatshi ngoba bengakwazi lokhu.
USiwela utshele eminye imisakazo ukuthi uzaqhubeka ngemizamo yokuthi isizwe sikaMthwakazi esachithwa ngamangisi ngomnyaka ka 1893 samanyaniswa lesesisaziwa ngokuthi yiZimbabwe lamuhla sizibuse. Uthi isizatho yikuthi uhulumende uyabandlulula abantu ngemihlobo.
Ukuhlaziya umzabalazo wenhlanganiso ye Mthwakazi Liberation Front lezinye ezilenjongo efanayo, sixoxe loMnu. Dumisani Nkomo, ingcwethi ecubungula ezombusazwe.
UNkomo utshele uSithandekile Mhlanga weStudio 7 ukuthi inhlanganiso lezi zilelungelo lokuqhubeka ngomzabalazo lo njengalokhu okulotshwe ku United Nations Charter.
