WASHINGTON DC —
Ukugula kukaMongameli Robert Mugabe loMnu. Morgan Tsvangirai okhokhela elinye icele le MDC-T sokwenze ukuthi kubelenkulumo elizweni ngempilakahle yabo. Abantu makhaza lengcwethi zombusazwe bathi uMugabe loTsvangirai yibo bodwa abangenza ukuthi kungabi lokucabangela ukuthi babulawa yini.
Umfanekiso kabona kude owevideo owethulwe ebulenjini otshengise uMugabe engena esibhedlela eSingapore kunsukwana ezisanda kwedlula ubukelwe ngabantu abanengi emhlabeni wonke jikelele.
Kuphinde kwenzakala njalo uzulu edingisisa ukuthi uTsvangirai ubulawa yini aze ehluleke ukuya emhlanganweni omkhulu owebandla lakhe owenzelwe emzini weHighfield ngeviki ephelileyo.
Inengi labantu liyabuzana enkundleni zebulenjini ezibalisa oFacebook, WhatsApp lakwezinye indawo zokuzilibazisa ebulenjini ukuthi amadoda la abulawa yini.
UMnu. Mlamuli Nkomo obona ngokwenzakala phakathi kukazulu uthi abantu makhaza bafuna ukubakwazi ukuthi uMugabe loTsvangirai babulawa kuyini.
UNkomo uthi njengoba beyinkokheli yabantu, kumele abantu ababakhokhelayo baziswe ukuthi babulawa yini.
Eyinye njalo ingcwethi kwezombusazwe, uMnu. George Mkhwanazi ugcizelela umbono munye. UMkhwananzi uqhubeka ethi zikhona inkokheli kwamanye amazwe ezinjengowayenguMongameli weSouth Africa uMnu. Nelson Mandela okwakutshona kugcwele abezindaba abavela emhlabeni jikelele befuna ukubakwazi ukuthi ubulawa yisifo bani njalo umkhuhlane usesibangeni siphi, ulele njani wamtshonisa njani lowo mkhuhlane ukuze kube sobala emuntwini wonke emhlabeni jikelele ukuthi ukusimo siphi njengoba laye wayengumuntu wabantu emazweni womhlaba.
UNkomo ugcizelele esithi kumele kubekwe sobala ikakhulu ukugula kukaMongameli Mugabe sikhangela ukuthi uvele eseluphele njalo usehlale embusweni okwesikhathi eside. Uqhubekele phambili esithi imbono yabantu labethula izindaba iyatshiyana ngokuhlolisisa ukugula kwababili laba kusiya ngokuthi basekela liphi icele kwezombusazwe.
Loba uMugabe loTsvangirai begula, inengi labantu libafisela impilo ende kodwa into eqakatheke kibo yikuthi babe kwazi ukuthi ababili laba njengenkokheli yabo basesibangeni siphi sokugula, bengabe begulela ukufa kumbe yimikhuhlane nje elakho ukwelapheka phakathi kwesikhathi esifitshane basile.
Umfanekiso kabona kude owevideo owethulwe ebulenjini otshengise uMugabe engena esibhedlela eSingapore kunsukwana ezisanda kwedlula ubukelwe ngabantu abanengi emhlabeni wonke jikelele.
Kuphinde kwenzakala njalo uzulu edingisisa ukuthi uTsvangirai ubulawa yini aze ehluleke ukuya emhlanganweni omkhulu owebandla lakhe owenzelwe emzini weHighfield ngeviki ephelileyo.
Inengi labantu liyabuzana enkundleni zebulenjini ezibalisa oFacebook, WhatsApp lakwezinye indawo zokuzilibazisa ebulenjini ukuthi amadoda la abulawa yini.
UMnu. Mlamuli Nkomo obona ngokwenzakala phakathi kukazulu uthi abantu makhaza bafuna ukubakwazi ukuthi uMugabe loTsvangirai babulawa kuyini.
UNkomo uthi njengoba beyinkokheli yabantu, kumele abantu ababakhokhelayo baziswe ukuthi babulawa yini.
Eyinye njalo ingcwethi kwezombusazwe, uMnu. George Mkhwanazi ugcizelela umbono munye. UMkhwananzi uqhubeka ethi zikhona inkokheli kwamanye amazwe ezinjengowayenguMongameli weSouth Africa uMnu. Nelson Mandela okwakutshona kugcwele abezindaba abavela emhlabeni jikelele befuna ukubakwazi ukuthi ubulawa yisifo bani njalo umkhuhlane usesibangeni siphi, ulele njani wamtshonisa njani lowo mkhuhlane ukuze kube sobala emuntwini wonke emhlabeni jikelele ukuthi ukusimo siphi njengoba laye wayengumuntu wabantu emazweni womhlaba.
UNkomo ugcizelele esithi kumele kubekwe sobala ikakhulu ukugula kukaMongameli Mugabe sikhangela ukuthi uvele eseluphele njalo usehlale embusweni okwesikhathi eside. Uqhubekele phambili esithi imbono yabantu labethula izindaba iyatshiyana ngokuhlolisisa ukugula kwababili laba kusiya ngokuthi basekela liphi icele kwezombusazwe.
Loba uMugabe loTsvangirai begula, inengi labantu libafisela impilo ende kodwa into eqakatheke kibo yikuthi babe kwazi ukuthi ababili laba njengenkokheli yabo basesibangeni siphi sokugula, bengabe begulela ukufa kumbe yimikhuhlane nje elakho ukwelapheka phakathi kwesikhathi esifitshane basile.
