Ukufuthelana lokhe kuqhubekela phambili ebandleni leMDC-T esigabeni sako Bulawayo kulandela umhlangano onqume ukuba uMnu. Gift Banda usengumgcinisihlalo webandla esigabeni lesi lanxa umthethwandaba wanquma ukuba ayencintisana laye, uMnu. Matson Hlalo nguye omele abe nguye umgcinisihlalo.
Kubikwa kuqhamuke udlakela emhlanganweni lo enkundleni ye Stanley Square eMakokoba lapho okutshaywe enye intathelizindaba yathathelwa umtshina wokuthatha imifanekiso kamabonakude.
UHlalo wasa udaba lokukhethwa kuka Banda emthethwandaba ngomnyaka odluleyo esithi phansi kwesisekelo sombuso webandla kalalungelo lokuthatha isikhundla lesi ngoba engelaminyaka emihlanu esebandleni.
UChris Gande uphinde waxoxa loMnu. Swithun Chirowodza umgcinisihlalo wogatsha lwabalwa impi yenkululeko kubandla leli, othi okukhulunywa nguBhebhe akusiloqiniso.