Ukudonselana amandla kubandla le Zanu PF sekufike kuzinga elesebakeyo ngemva komhlangano wabesifazane oqhutshwe ngeviki edluleyo.
Ngempelasonto umsekeli kamphathintambo wobudlelwano lamanye amazwe, uMnu. Chris Mutsvangwa utshele iphephandaba le The Herald ukuthi umsekeli kamongameli, uNkosikazi Joyce Mujru kazange adubule indizamtshina yohlobo lwe Helicopter ngesikhathi sempi esithi la kwakungamanga enzelwa ukwethusela uhulumende wabamhlophe.
UMutsvangwa utshele umhlangano ngempelaviki ukuthi uMujuru nxa esithi ulamanga kaphumele egcekeni atsho njalo. UMujuru, owayesazakala ngegama lokuthi Teurai Ropa wayekhokhela ibutho le Zanla ankambeni ye Chimoio kwele Mozambique.
UMutsvangwa wengeze esithi unobhala webandla le Zanu PF, uMnu. Didymus Mutasa ligwala elifuna ukuthatha isikhundla sikamongameli Mugabe.
Ukuhlaziya loludaba uChris Gande weStudio Seven uxoxe lengcwethi ecubungula ezombusazwe, uMnu. Nkululeko Sibanda ukuze sizwe imbono yakhe ngaloludaba.
