Uhulumende weZimbabwe usehlolisisa indlela zokuphawula imali etholakala ebulenjini be-internet okuthiwa yi-cryptocurrency ukuze ebumbe imithetho yokwenqabela amasela kanye lokuphathisa amalwecatsha lokunye. Kulemizamo njalo yokuba imali le isetshenziswe ukuthuthukisa umnotho weZimbabwe okuzasekela imali zakwamanye amazwe kanye le Zimbabwe Gold kumbe iZiG.
Okwamanje imali le isetshenziswa ngabanye abantu okungekho emthethweni eZimbabwe. Kulabanye abantu abathi kabakwazi ukuba imali le isetshenziswa njani. Osebenzelana lebhanga elikhulu lelizwe eleReserve Bank of Zimbabwe njalo engusomabhizimusi omkhulu koBulawayo, uMnu. Busisa Moyo, uchaza kabanzi ngokusetshenziswa kwemali le. Lapha ukhuluma ezimele.
"Siyabe sikhuluma ngezindaba zomnotho ukugcinwa kwezimali ukugcina komnotho ngeyinye indlela ukuthi umuntu agcine umnotho wakhe crypto currency abantu bayithandela ukuthi kayisiyonto controller nguhulumende kumbe uyenele ukuyifikela ngenxa yokuthi kuyabe kuyi computer yi alternative abantu abalayo ukuthi bagcine izimali zabo kuma crypto currencies."
UMoyo uyaphambili exwayisa uzulu ngokungenzeka ekuthengeni lokuthengiseni imali le lokuthi uhulumende ukhangelelwe ukufaka imithetho yokuvikela uzulu ekusetshenzisweni kwayo.
"Njenge zinye izinto nje inkomo uyayithenga nge USD500 inkomo kucine nxa usithi usufisa ukuyithengisa uthole abantu besithi market rate inkomo ngiyithenge nge USD500 kodwa siyi 320 layo crypto injalo. Uhulumende uyakhangelisisa nje ukuthi imithetho esekela crypto currencies eh singayihluza njani singayenza njani ukuthi eh abantu bengalahlekelwi eh benga loose izimali ngoba zikhona ezinye ezinjenga ma money club lani lani abantu abacithekelwa yizimali ezinengi."
UMnu. Tapiwa Matarise olomkambo wokuthenga lokuthengisa imali le koBulawayo uchaza ngahlangana lakho emsebenzini wakhe.
"We deal with ama crypto currencies forex trading into ezinjalo ama bitcoins usdt those are some of the crypto currencies we are looking at awa trace ke ama transfers akhona especially njenge bitcoin its done In what we call block chain amascams yes it's being used there are some people that are abakwanisa ukuthi bangene kuma accounts abanye abantu bahacke betshontshe leyo mali izig lecrypto currently there is no way that the zig should I say the crypto currency is affecting the zig currently."
Imali le isebenza loba ungaphi komhlaba. Osakhulayo uMarshall Ndiweni uthi kasebenzi kunkampani kodwa uphila ngokuthenga lokuthengisa imali ebulenjini be-Internet.
"Uyakwanisa ukuyisebenzisa anywhere whether use Africa, Asia, Europe ngokunjalo uyayisebenzisa I acceptable ebantwini abanengi isitsotsi sikhona ese crypto currency asivikeli kulabantu abakwanisa ukuku scammer bethi balayo bona bengalayo or abanye bathi balalo ulwazi lokuthi isebenza njani bengalalo ulwazi lwakhona."
Othenga ethengisa izilimo edolobheni lakoBulawayo, uNkosazana Doreen Selimane, uthi imali leyo izabhidliza ibhizimisi labo.
"Ma umuntu ele bitcoin kasebenzeki laye ngoba abanye bayabe behamba ngeezimota bafuna ukuthenga masinya abantu bahlala bejahile ifuna ama business man abangena kuma warehouse bethenga izinto ezibulk not us vendors to us vendors kule cash enengi kakhulu kuyayenza business yethu ibephansi kakhulu
Bakhona abalahlekelwa yimali ngemva kokuthenga ama crypto-currencies. UNkosazana Pretty Mpofu othenga ethengisa impahla ngomunye wabo.
"Eqinisweni mina akuzange kwangisebenzela ngajoiner izinto zonalezi ngemali yami engangiyisebenze nzima ekuthengiseni emsikeni eh umuntu owaye ngi joinisile wangilayela a certain trading school hamba kuleyo trading school safundiswa ukuthi uya banker imali engaka wenze so ukuthi uthole kodwa engakutsho ngaleyo Mali yikuthi ekucineni ngazibona sengi lose imali engange USD200."
UMnu. Michael Mashumbi othenga ethengisa imali ebulenjini be-Internet uthi ukungethembeki emalini kutholakala yonke indawo lasemabhanga.
"I would say in any financial system vele regardless kulokuganga US Dollar ilokuganga Crypto layo ilokuuganga."
Ohlaziya ezombusazwe lezomnotho uMnu Angelestone Sokhulu ukhuthaza uhulumende weZimbabwe ukuthi kubelemithetho efakwayo emayelana lemali le evikela uzulu.
"Labo abathenga kuqala ama crypto lawa seba gainer kakhulu kodwa ke ngixwayise njalo ukuthi uhlupho olusuka lube lunengi khona yikuthi kugcwele oguluva lamamenemene kuspace sonalesi ese crypto currency okwenza abantu abanengi bengabi lezibindi zokufaka imali zabo kube lemithetho ecacayo ukuthi kusetshenziswa njani kuthengwa njani I crypto ithengiswa njani kuma platform asemthethweni ukuze abantu bengadlelwa imali zabo ngamasela."
Inengi labantu lithi udaba lwemali yama crypto-currency aliyizwisisi ngakho-ke abazihluphi ngakho ngoba bafuna idola leMelika balibambe ezandleni hatshi ku-Internet.
Forum