Ugatsha olubona ngobudlelwano beMelika lamanye amazwe omhlaba luphakathi kokuqhuba imihlangano lenhlanganiso ezibona ngokuqhutshwa kwemisebenzi yokwemba amadayimana, ibuzisisa ngesinqumo seMelika sokuvimba ukuthengiswa kwamadayimana enjiwa emigodini yeMarange.
Uhulumende weMelika uphikisa ukuthengiswa kwamadayimana la esithi enjiwa kulokwephulwa kwamalungelo oluntu emigodini yeMarange.
Imihlangano le yandulela umhlangano omkhulu wenhlanganiso yeKimberly Process, ozakwenzelwa eJerusalem kwele Israel ngenyanga kaLwezi.
UBrenda Moyo weStudio 7 ukhulume lomphathintambo obona ngezemigodi uMnumzana Obert Mpofu yena othi uhulumende weMelika uhlezi elenjongo yokudinga ukugenqula umbuso kaMongameli Robert Mugabe.
Kunjalo nje ingcwethi kwezenotho uMnumzana Walter Nsununguli Mbongolwane utshele uBrenda Moyo ukuthi kungcono ukuthi eleZimbabwe livunyelwe ukuthengisa amadayimana ngaphansi kwelihlo leKimberly Process.
