Izisebenzi zenkampani kaLoliwe zithi zivumelana lomphathintambo wezokuhambisa, uMnu. Joram Gumbo othi linkampan kumele iphumele egcekeni ngohlelo lokukhetha ozakuba ngomkhulu walinkampani.
Iziphatamandla zeNRZ zithi sezilomuntu owakhethwayo osemele ukuvezwa kunsukwana ezilandelayo kodwa uMnu. Gumbo uthi linkampani kayilandelanga umthetho njalo kayiphumelanga egcekeni ngohlelo lokudinga ozakhokhela linkampnai ephakathi kodubo lokusilela kwemali okwenza izisebenzi zihlale inyanga ezimbalwa zingabhadalwanga.
Iboard yalinkampani, ekhokhelwa nguMnu. Alvord Mabhena owake waba ngumaneja we NRZ, ithi eyakwenzayo kusemthethweni.
UMabhena lo Gumbo kabaphendulanga incingo zabo lapho sizama ukukhuluma labo.
Kodwa uGumbo utshele iphephandaba le The Sunday News ukuthi: "Bengaba bekhona abangalobanga bedinga lesi sikhundla abangakwenza lokho kathesi."
Kodwa sixoxe loMnu. Kamurai Moyo, umongameli wenhlanganiso yezisebenzi zika Loliwe, i Amalgmated Railwaymen Worker’s Union othi iziphathamandla kazibazisanga ngemiziamo yokudinga ozakuba ngumaneja ngemva kweminyaka emibili owayekulesi sikhundla, uMnu. Mike Karakadzayi wafa.
