Izakhamizi zemaphandleni zithi ziyakhathazeka ngokumemetheka kweCoronavirus elizweni, njalo inengi lazo alenelisi ukuya lapho okuhlatshwa khona ijekiseni yokwenqabela leligcikwane.
UMnu. Edson Masuku oyisakhamuzi seGwakwe eGwanda North uthi bayakhathazeka ngembiko abayitholayo ngokumemetheka kwaleligciwane.
Amazwi la asekelwe nguMnu. Vusumuzi Nkala oyisakhamuzi seGungwe othi njengezakhamizi eziseduze kwemngcele basengozini enkulu.
Umqondisi wenhlanganiso elondoloza amalungelo abesifazana eyeWomen Development Association of Zimbabwe uNkosikazi Juliet Nkiwane uthi inengi labazali eSitezi lizibuza ukuthi zizavulwa na izikolo ekupheleni kwalinyanga.
Kusenjalo, uMnu. Omega Sibanda, omela iVungu edale lephalamende njalo engusomabhizimusi usichasisela okwenzakala esigabeni sakhe.